• A compdar deth 14 de març eth còs d’Agents de Miei Ambient deth Conselh Generau d’Aran a amiat a tèrme foncions de contròl enes entorns naturaus

Pr’amor dera limitacion de libertat de circulacion non sonque enes vies publiques senon tanben en espaci naturau, eth còs d’Agents de Miei Ambient deth Conselh Generau d’Aran amie a tèrme des deth passat 14 de març foncions de contròl d’aqueres conductes qu’incomplisquen es proïbicions fixades peth Govèrn der Estat pendent er estat d’alarma en país.

Pendent aguestes setmanes, es Agents de Miei Ambient an procedit ath barrament de:

• Pistes: Còth de Baretja, Saubaga, Samorera, Mines Victòria, Portet, Benqué, Saplan, Toran, Margalida, Varradòs, Sant Miqueu, Bassa d’Arres, Artiga de Lin, Bassa d’Oles, Horno, Polvorins.
• Camins: Casau- Vielha, Casau – Gausac, Casau – Bassa d’Oles, Casau – dipòsit; Camin Reiau Aubert – Pònt d’Arròs – Es Bòrdes.
• Airaus recreatius: Plan Batalhèr, Bassa d’Arres, Sant Miquèu, Guardadèr de Les, Aiguamòg, Betren (Costassa), Artiga de Lin, Montcorbau, Conangles, polvorins guardadèr d’Arres.
• Barbacòes: totes aqueres plaçades enes airaus recreatius.
• Refugis: Bassa d’Oles.

Entre es dies 14 e 29 de març, es Agents an realizat mès de 50 inspeccions a persones e lèu 20 a veïculs, an lheuat ua vintea d’actes e s’a procedit a denonciar a 4 persones e 2 veïculs.

Era forma de procedir des Agents de Miei Ambient ei dar un prumèr avís as persones qu’incomplissen es normes e, en cas de repeticion, se procedís ara corresponenta denóncia.

Segontes informen es pròpris Agents, s’a observat en aguestes dues setmanes ua disminucion progressiva des persones en entorn naturau.