• Ua activitat gratuïta impartida pera investigadora especializada ena espècia, Lídia Freixas

• Entà participar cau inscriuer-se prèviament pr’amor qu’es places son limitades

Eth Departament de Territòri, Paisatge e Gestion ambientau deth Conselh Generau d’Aran, amassa damb Aran Park, organize era activitat “Eth nin des arrats dromilhèrs”, qu’aurà lòc aguest deluns, 12 d’agost, tàs 10:30 ores en Aran Park.

Aguesta activitat, dirigida a toti es publics, mos permet conéisher de mès a pròp era realitat des arrats dromilhèrs grisi aranesi, gràcies as explicacions dera investigadora especializada ena espècia, Lídia Freixas.

Pendent era jornada s’impartirà era charrada “Qué ne sabem des arrats dromilhèrs?” e posteriorament, se procedirà ath contraròtle des caishes nin de cria.

Aguesta ei ua activitat totauments dubèrta a toti e totes e gratuïta, mès entà participar cau inscriuer-se prèviament pr’amor qu’es places son limitades.

Entà gestionar era tua reserva pòs telefonar ath Conselh Generau d’Aran ath numerò 973 64 18 01 o ben dirigir-te ara persona de contacte, Gerard Vilo, via e-mail ara adreça electronica g.vilo@aran.org