Vielha, 20 de junhsèga de 2018.- Coma cada estiu des deth Musèu dera Val d’Aran s’an organizat tota ua seguida d’activitats entà toti es publics a compdar deth 9 de junhsèga e enquiath 9 de seteme.

Ath long der ostiu es Musèus daurisen es sues pòrtes toti es dies dera setmana, e tanben pòden visitar-se damb guides era Mina Victòria (de 11 a 15 ores), era Mòla de Salardú (peth maitin tas 11, 12 e 13 ores), atau coma era Fabrica dera Lan en Vielha (tas 17, 18 e 19 ores). Ath delà, eth Musèu dera Val d’Aran aufrirà visites guidades ara colleccion permanenta es deluns deth mes d’en agost as 11:30 ores, gratuïtaments damb era entrada deth musèu.

Er Ecomusèu Çò de Joanchiquet de Vilamòs aufrís ua seguida d’activitats setmanaus, deth 23 de junhsèga enquiath 31 d’agost. Toti es dimars tas 12 ores, er Ecomusèu meterà a disposicion des visitants ua visita guidada a on s’explicaràn totes es parts d’aguest auviatge tipic d’Aran, atau coma era vida des familhes e d’auti aspèctes dera societat tradicionau. Ath delà, es dijaus tas 11:30 ores se poderà participar en talhèr “Es secrèts des plantes”, a cargue dera biologista Sara Arjó. Se tracte d’ua activitat dinamica sus era recolleccion des plantes sauvatges e der usatge que se’n hège, damb era possibilitat de tocar, shumar e a apréner a arreconeisher-les.

Un aute des atractius der ostiu ei era Rota Romanica d’Aran, donques se dan a conéisher es glèises qu’acostumen a èster barrades abituauments, a trauès de visites guidades de deluns a dissabte. Se tracte d’glèises d’origien romanic e qu’an conservat bens mòbles de toti es estils artistics:

• Santa Maria d’Arties: del – diss tas 11, 12, 13h e 17, 18 i 19 ores
• Santa Maria de Cap d’Aran (Tredòs): del – diss tas 11, 12, 13 ores
• Santa Eulària d’Unha: dill – del tas 17, 18 e 19 ores / dill – dix a les 11, 12, 13 ores
• Sant Fèlix de Vilac: del – diss tas 11, 12, 13 ores
• Sant Pèir d’Escunhau: dijaus tas 11, 12, 13 ores
• Sant Fèlix de Bagergue: diuendres tas 11, 12, 13 ores
• Sant Estèue de Betren: dissabtes tas 11, 12, 13 ores
• Sant Andrèu de Salardú: sonque en agost, diuendres 11:30 ores

Totun, i a glèises que se tròben daurides tot eth dia: Era Purificaion de Bossòst, Sant Miquèu de Vielha, Santa Maria de Vilamòs, Sant Andrèu de Salardú e Sant Blas e Sant Joan de Les. Sant Fèlix de Bagergue ei daurit des 11 as 19 ores deth 15 de junhsèga ath 9 de seteme.

Era exposicion temporau “Atau qu’ère, atau qu’ei” en Sant Joan d’Arties, se pòt visitar enquiath 30 de seteme, de deluns a dissabte des 17 as 21 ores, en tot agranir atau er orari d’dubertura ua ora mès qu’era rèsta der an.