Coma consequéncia des intenses ploges que patís sustot eth Baish Aran, s’an produsit diuèrsi esbauçaments ena carretèra d’accès ath pòble de Canejan.

A compdar de prumèra ora deth maitin qu’eth baile de Canejan, Juan Carlos Lastera, s’a metut en contacte telefonicament damb eth sindic d’Aran, Carlos Barrera, eth Conselh Generau d’Aran a articulat es mesures de supòrt entà intervíer damb maquinària pesada entà tornar a daurir er accès. Era brigada des Servicis Ambientaus deth Conselh Generau d’Aran està desbrossant e talhant es arbres esbauçadi ena carretèra.

Enes trams a on era barguèra de proteccion s’a vist arrincada en bèth punt e er ample dera carretèra tanben s’a vist redusit, s’estàn plaçant pèces separadores d’hormigon entà garantir era seguretat.

Pendent aguest maitin se demore poder restablir era circolacion en aguesta carretèra, tengeuent en compde qu’eth marge dret carretèra d’accès seguís arrecebent fòrça aigua, se mantén eth perilh per naui esbauçaments .