• Ei eth prumèr còp qu’Airbus presente aguest modèl en país.

• Pendent eth maitin s’an hèt diferentes pròves en vòl damb TAF, companhia qu’opère ena Val d’Aran.

Aué era companhia Airbus a presentat ena Val d’Aran eth sòn nau elicoptèr H130T2 entà per’mor de realizar pròves en vòl e entà poder confirmar era crompa d’aguesti elicoptèrs per part de TAF Helicòpters.

Era equipa de trabalh a estat formada per pilòts de pròves d’Airbus, personau de mantenença e personau de Màrketing.

Ricardo Callejo, Sales Manager- Direccion Comerciau d’Airbus Helicopters, eth sindic d’Aran, Carlos Barrera, e Jordi Tortras, director d’Operacions de TAF Helicopters

Per part d’Airbus i an estat presents Ricardo Callejo, Sales Manager- Direccion Comerciau, e per part de Habock, Jordi Tortras, director d’Operacions de TAF Helicopters.

Ei eth prumèr còp qu’Airbus presente aguest modèl en país.

Es explicacions tecniques des caracteristiques d’aguest nau modèl s’an realizat ena sedença deth Conselh Generau d’Aran e es pròves de carga e vòl en nauta montanha s’an hèt en diferenti endrets dera Val d’Aran damb ua climatologia perfècta.

Eth sindic d’Aran, Carlos Barrera, damb Jordi Tortras, director d’Operacions de TAF Helicopters.

“Er hèt d’auer escuelhut Aran entad aguesta presentacion hè part des acòrds prenudi entre eth Conselh Generau d’Aran e era empresa TAF, explotadora der elipòrt dera Val d’Aran” a manifestat eth sindic d’Aran, Carlos Barrera, qu’a presenciat e coneishut de prumèra man aguestes pròves.

Aguest nau modèl s’incorporarà ara flòta de TAF e ei per aguest motiu que s’a escuelhut Aran entà efectuar es pròves de vòl enes qu’an participat pilòts d’aguesta empresa.