Vielha, 13 de deseme de 2017.- 60 alumnes de 2au de Primària dera Escòla Garona an visitat eth Conselh Generau d’Aran.

Es mainatges e mainades, acompanhadi des sòns professors an estat arrecebudi peth vicesindic d’Aran, Luís Carlos Medina, que les a hèt era explicacion sus era istòria, eth foncionament e es foncions deth Conselh Generau d’Aran.

Eth vicesindic d’Aran, a arresponut a multitud de qüestions que li an sometut es alumnes dera Escòla Garona sus eth Conselh Generau d’Aran coma maximala institucion aranesa e es foncions que desvolòpe en ensenhament, sanitat, torisme e miei naturau, atau coma tanben aspèctes qu’interèssen mès as mainatges e mainades, coma eth foncionament des Pompièrs d’Aran e era policia, o sus quin ei eth trabalh qu’exercís eth sindic d’Aran.

Ath finalizar era visita, Luís Carlos Medina, a obsequiat a cadun des escolars damb dus condes editadi peth Conselh Generau d’Aran.