• Era conselhèra de Joenessa, Igualtat e Inclusion Sociau, Maria Menis, a dat era benvenguda as assistents e a manifestat eth supòrt deth Conselh Generau d’Aran ad aguesta Oficina, qu’ei un servici dera Generalitat que realize atencion as victimes de discriminacion en tot facilitar era gestion des denóncies administratives

Era sedença deth Conselh Generau d’Aran a acuelhut aguest maitin era presentacion dera Oficina de Igualtat de tracte e non discriminacion deth Naut Pirenèu e Aran, un servici deth Departament d’Igualtat e Feminismes dera Generalitat de Catalunya que realize atencion as victimes de discriminacion, en tot facilitar era recepcion, seguiment e gestion des denóncies administratives per situacions de discriminacion reconegudes ena Lei 19/2020 de igualtat de tracte e non discriminacion.

Aguest acte a compdat damb era participacion dera conselhèra de Joenessa, Igualtat e Inclosion Sociau deth Conselh Generau d’Aran, Maria Menis, qu’a dat era benvenguda as assistents e a afirmat que: “deth govèrn d’Aran ençà balham eth nòste supòrt ad aguest servici, pr’amor que consideram que quinsevolh auanç en matèria d’igualtat ei de besonh e mos ajude a arténher ua societat melhor e mès auançada”.