• Eth parc de visualizacion de fauna, Aran Park, iniciarà deman dissabte, dia 29 de març, ua naua sason ena que se demore superar es chifres de visitants der an passat.

• Aguesta 2au sason d’Aran Park comence damb diuèrses nouetats entà tractar de mielhorar es servicis des sues installacions.

Deman dissabte, dia 29 de març, Aran Park, daurirà es sues pòrtes a toti aqueri interessadi ena vida sauvatja animau e vegetau dera Val d’Aran. Pendent eth sòn prumèr an de vida, s’arribèren en enregistrar mès de 33.000 visitants. Ua grana chifra entà dar per iniciada aguesta experiéncia dera natura autoctòna.

En centre, eth conselhèr de Territòri, Eduardo Valdecantos,  acompanhat per alcalde de Bossòst, Francisco Rodríguez, ena drèta, e per Pepe Guillen, d’Aran Park.

“Est an passat 33.000 persones visitèren ARAN PARK, enguan demoram arribar as 55.000”, a manifestat eth conselhèr de Territòri, Eduardo Valdecantos, qu’a ahijut “enguan coma nauetat, eth parc compde damb 2 gatilops e 9 crabes pirenenques”.

Era aufèrta qu’aufrís Aran Park (16 ectares) damb es sòns animaus (ossi, marmòtes, cabiròus, gatilops, crabes pirenenques, eca) e vegetaus, ei ua grana opcion entà conéisher era biodiversitat deth territòri. Ad açò se li a d’ahíger era aufèrta de Wildlife (vida sauvatja) que tanben se pòt gaudir pendent tot er an, damb era possibilitat de visualizar e fotografiar diferentes espècies en sòn abitat naturau.

Entà mès informacion d’Aran Park: http://www.aran-park.es/