Vielha, 28 de junh de 2019.- Era Val d’Aran e eth sòn cap-lòc Vielha, acuelheràn aguesta dimenjada era 14au edicion dera PDF Non Stop MTB Ultramarathon Campionat d’Euròpa MTB Ultramarathon.
Coma novetat en aguesta edicion per prumèr còp se realizaràn dues gessudes entara pròva. Tas 05:00 ores en punt, era ora abituau, gesseràn es ciclistes damb licéncia competitiva e que, per tant, òpten ath Campionat Europèu en quauqua des sues categories. Tas 05:10 ac haràn es ciclistes que hèn era Pedals en categoria cicloturista. D’aguesta manèra s’evitarà barrejar a toti es ciclistes ena gessuda e tanben oxigenar un shinhau mès eth prumèr tram dera pròva, qu’ei eth que se realize de net.
Era Pedals de Foc Non Stop ei un raid de BTT d’uns 213 quilomètres e damb 6.200 mètros de desnivèu positiu damb gessuda e arribada en Vielha. Enguan artenh un nau recòrd d’inscriti damb mès de 1000 participants, en tot recórrer bona part dera geografia dera Val d’Aran e es comarques dera Nauta Ribagorça, Palhars Sobirà e Palhars Jussà.
Programa
Diuendres 28 de junh, de 16.00h a 20.00 ores
Sala Polivalenta (Vielha)
Recuelhuda de dorsaus
Diuendres 28 de junh, 20.00 ores
Sala Polivalenta (Vielha)
Briefing oficiau
Dissabte 29 de junh, 05.00 ores
Parcatge P3 (Vielha)
Gessuda PDF Non Stop 2019 entà licéncies competitives
Dissabte 29 de junh, 05.10 ores
Parcatge P3 (Vielha)
Gessuda PDF Non Stop 2019 entà licéncies cicloturistes
Dissabte 29 de junh, 15.00 ores aprox
C/ Querimònia, amassa parcatge P3 (Vielha)
Arribada des prumèrs corredors
Dimenge 30 de junh, 11.00 ores
Parcatge P3 (Vielha)
Cerimonia de liurament de prèmis
Dissabte 29 de junh. Dimenge 30 de junh.
Gessuda: Vielha 05.00 ores
Arribada: Vielha.
Distància totau: 213 km
Desnivèu positiu totau d’ascens: 6.200 m.
Desnivèu negatiu totau de descenuda: 6.200 m.
Nautor maximala: 2.268 m (Còll de Portella Blanca).
Nautor minima: 973 m (Llesp, Val de Boí).
Nautor mieja: 1.600 m.
Tipe de terren: 61% pista forestau, 31% carretèra semi-engodronada, 8% camin.
Coll mès long: Coll de Triador (2.140 m), 12 km de pujada a 7,5%.
Coll mès durs: Coll de Serreres (1.355 m) 3,8 km a 9,3% / Coll de Peranera (1.595 m), 9 km a 7% (3 km a 9%).
Era Pedals de Foc Non Stop passe per: Vielha, Senet, Vinyal, Ginast, Vilaller, Llesp, Iran, Irgo, Gotarta, Raons, Malpás, Castellars, Erta, Sas, Sentís, Les Esglèsies, Guiró, Astell, La Torre de Capdella, Espui, Espot, Son, Sorpe, Borén, Isil, Alòs d’Isil, Montgarri, Bagergue, Unha, Gessa, Artíes, Garòs, Casarilh, Betrén, Vielha.
Ath long dera competicion aurà plaçadi diuèrsi contraròtles de pas: Vielha (Km 0), Vilaller (Km 32,7), Castellars (Km 61,6), Les Esglésies (Km 81,5), Espui (Km 101,8), Coll de Triador (Km 113,5), Espot (Km 143,5), Son (Km 156,1), Alós d’Isil (Km 168), Montgarri (Km 185,5) e Vielha (Km 213).
Ei important arrebrembar qu’ei de besonh ua bona condicion fisica entà corbir eth recorregut previst damb gatges. Ath delà, se recomane amiar un equipament corrècte (biciclèta de montanha e estruments basics) entà afrontà’c. Pendent eth recorregut dera pròva aurà ua seria de punts de contraròtle e avitualhaments entath bon desvolopament dera madeisha.
