Era estacion aranesa supère era inscripcion d’est an passat gràcies ath gran trabalh des clubs e ath gran atractiu deth circuit Audi quattro Cup a on era hèsta en Palai d’Espòrts de Vielha siguec un gran exit d’assisténcia.
En aguesta tresau parada deth circuit d’esquí aupin U12/10, includida en calendari RFEDI e organizada peth Club Aranés d’Espòrts d’Iuèrn (CAEI), es esquiadors disputèren un Supèr-G en Stadium de Beret en impecables condicions.
Era 9au edicion deth circuit d’esquí aupin U12/10 Audi quattro Cup 2017, includida en calendari RFEDI, arribèc ath sòn equador en Baqueira Beret a on se celebrèc era classica pròva Amics de Montgarri. Un trofèu qu’enguan celebrèc era sua XXau edicion e que, dempús dera sason 2009/10 a acuelhut ua pròva Audi quattro Cup cada an e seguís acumulant experiéncia e exit d’organizacion e participacion, e es 21 corredors mès qu’est an passat ac demòstren.
Es entrenadors des diferentes equipes de tot eth territòri, vengudi de Sierra Nevada, Aragon, Madrid e clubs de tota Catalonha, vederen as sòns pupils baishar pera pista deth Stadium, que gràcies ara bona qualitat ena nhèu e eth trabalh des responsables de pista, siguec eth tot moment en ues fòrça bones condicions entà competir.
Pòdiums entà 10 clubs deth territòri
Com ja passèc en Formigal, es esquiadores U12 sigueren es prumères a baishar. Paula Álvarez Galán, deth club TECALP dera Federación Madrileña Deportes de Invierno pugèc ath mès naut deth pòdium damb un temps totau de 48.45. La seguiren Aura Coronado Mateu, deth MLEC damb un temps de 48.92 e Nikole Arriola Zugaza, der AISC, damb un temps de 48.93, ambdues dera Federació Catalana d’Esports d’Hivern.
Ena categoria des òmes, eth pòdium se lo repartiren tres esquiadors de tres clubs diferenti. Aleix Aubert Serracanta, deth Club Esportiu Terrassa dera Federació Catalana d’Esports d’Hivern, obtenguec, damb eth melhor temps dera jornada, pujar ara prumèra posicion damb un totau de 47.29. Li seguiren Jules Cambier, deth TECALP dera Federación Madrileña Deportes de Invierno damb un temps de 48.36 e Jacobo Vidal Lèmes, der EUROSPORT dera Federación Vasca Deportes de Invierno damb un totau de 49.91.
Dempús dera pausa entre categories, siguec eth torn des dames U10. Elena Pinuaga Díaz, deth club TECALP dera Federación Madrileña Deportes de Invierno, qu’obtenguec era dusau plaça en Formigal, s’adjudiquèc era prumèra posicion damb un temps de 55.73. Valeria Meire García- Berro deth CEVA dera Federació Catalana d’Esports d’Hivern pugèc ara dusau posicion deth pòdium damb un temps de 56.23. Tresau siguec Claudia Vives García, deth MITICO, tanben dera Federación Madrileña Deportes de Invierno, damb un temps de 56.39.
Seguiren es esquiadores U10, que sigueren es que barrèren era jornada en Stadium de Beret e a on tanben i auec 3 integrants de tres clubs diferenti en pòdium. Álvaro del Pino Caballero, deth NEVADA dera Federación Andaluza Deportes de Invierno, obtenguec era prumèra posicion damb un temps de 51.68. Li seguiren Pablo Hedo Morera deth Copos Ski Club dera Federació Catalana d’Esports d’Hivern damb un temps de 53.54 e Andrés Vidal Lemes, der EUROSPORT dera Federación Vasca Deportes de Invierno damb un totau de 53.61.
Damb era estacion a plen rendiment gràcies as fòrtes nheuades que queigueren a principi de setmana ena cara nòrd des Pirenèus, eth numerò de participants non defraudèc e era pròva en Baqueira Beret superèc era inscripcion d’est an passat e demòstren eth desir des clubs a hèr part deth circuit Audi quattro Cup, que da era possibilitat de competir contra clubs distribuïdi en totes es estacions d’esquí dera peninsula
Ua jornada de hèsta en Village e en Palai d’Espòrts de Vielha
Aguesta cita esportiua acuelhec a familhars e amics, que pendent eth maitin visitèren eth Village de mèta entà que vedessen as joeni corredors crotzar era linha vermelha qu’indicaue era fin deth cronomètre. Era bona temperatura en Plan de Beret convertic era zòna en un lòc de musica e diversion, a on era “intriga” se hège a demorar enquia qu’eth speaker de carrèra anonciaue es resultats des corredors.
E coma en cada carrèra deth circuit, se vedec enes clubs ues ganes de gaudir dera union entre competicion, aprendissatge e diversion, valors fonamentaus deth circuit que promò er espòrt de basa entà apiejar as campions deth futur.
Un còp finalizada era carrèra, eth XX Trofèu Amics de Montgarri se desplacèc ath Palai d’Espòrts de Vielha, a on es petiti gaudiren de totes es activitats. Com tostemp, era Wii, mès aguest còp damb un jòc d’eslalom, siguec era mès sollicitada. S’abilitèc ua zòna dinamica damb es prepauses de jòcs d’abiletat e ua zòna “kids” d’Audi Financial Services a on es mès petiti trobèren un espaci dedicat ada eri a on escotèren es condes iuernaus.
Educa liderèc diuèrses activitats damb es sòns jòcs didactics entà mainatges d’edats entre 2 e 8 ans e s’aufriren diuèrsi productes de degustacion entà recuperar fòrces dempús dera jornada maitiau damb Caves Ferret, Aneto, chicolates Milka e catering Mas Ros.
Se dèren es respectives medalhes as campions de categoria e tanben se liurèren diuèrsi prèmis dera man de Rossignol, Briko e Baqueira Beret. Ena zòna tecnologica, es mainatges e mainades participants en aguesta tresau pròva dera sason d’Audi quattro Cup U12/10 se heren fòtos deuant deth photocall entà portar-se un arrebrembe d’aguest dia.
Gran dia der espòrt base
May Peus España, president dera Federación Española Deportes de Invierno, ena ceremònia de liurament de medalhes se dirigic ath public en tot reafirmar “era importància d’aguest supòrt ena base der esquí aupin entà obtíer dies coma eth d’aué. S’a competit fòrça ben, s’an vist temps fòrça ajustadi ena part nauta dera classificacion e èm fòrça contenti d’auer-vos a toti aguesta tarde aciu entà gaudir dera hèsta” e, en tot arregraïr ara organizacion deth CAEI, deth que siguec entrenador e director tecnic, “ua magnifica organizacion e ei un plaser collaborar ena projeccion de futur des futurs esquiadors”.
Li acompanhèren David Samper, vicepresident dera Federació Catalana d’Esports d’Hivern, qu’ath costat de Ramon Vidal Cabiró, president deth CAEI, Blanca Tasias Torras coma vicepresidenta deth club, Felix Lluch, responsable de SuperWagen, Joel Gómez, director comerciau de Rossignol España e Jordi Lledó, coma responsable dera fabrica Rossignol en Artés pengèren era medalha ath còth des 12 integrants deth pòdium. Non manquèc ara cita Julia Bargalló, esquiadora RFEDI que venie de hèr ua fòrça bona setmana de competicion, e que se formèc en CAEI.
Pròves de conduccion dera man de SuperWagen
Ua des activitats fòrtes entàs adults siguec era qu’amièc a tèrme eth concessionari Superwagen oficiau Audi, qu’aufric pròves de conduccion deth nau modèl Audi Q5 e Q7 pendent era hèsta.
Gràcies ath supòrt qu’Audi e Audi Financial Services brinden ar espòrt basa, aguestes 6 carrères son possibles enes estacions d’esquí de tota era peninsula, ath delà, era carrèra se podie seguir en dirècte a trauès deth LiveTiming abilitat pera organizacion.
Calendari 2017 deth circuit esquí aupin Audi quattro Cup U12/U10
– 18.02.2017 Sierra Nevada: IV Descens deth Mar – Campionats d’Andalosia – FADI Andalosia
– 04.03.2017 Alto Campoo: IV Trofèu Cantàbria – FCDI
– 11.03.2017 Cerler: XXII Trofèu “El Pitarroy” – Club Cerler Aneto I.C.- FADI Aragon
Compactat d’imatges entà TV dera carrèra a Baqueira Beret a trauès d’aguest ligam: http://bit.ly/2lyFXMz
Vielha, 13 de hereuèr de 2017
Conselh Generau d’Aran: Núria Sanjuan
Hònt: Carlos Labori/ Comunicacion Audi quattro Cup
Credit de fotos: FotoTur www.fototur.net