• Aguest maitin s’an confirmat sèt casi mès que se higen as 22 confirmadi enquia ara.

Des sèt naui casi, dus son residents dera Residéncia Sant Antòni que n’aguesti moments se trapen sense simptòmes grèus e seguissen en centre residenciau, tres son ingressadi estables en Espitau Val d’Aran, un ei en isolament domiciliari e un aute, ua persona de 87 ans de nacionalitat francesa qu’ingressèc ager en Espitau Val d’Aran a morit aguesta maitiada.

Atau madeish, s’informe tanben qu’ua des persones ingressades aguesti dies siguec trasladada ager tar espitau de Barbastro.