Vielha, 3 de seteme de 2018.- Eth dissabte dia 1 de seteme s’autregèren es prèmis deth Concors de Fotografia “Vilamòs. Tiò, natura e cultura” (Memoriau Urban Fernández) organizat pera Associacion Es Paums, damb eth supòrt deth Conselh Generau d’Aran e der Ajuntament de Vilamòs.

Eth Concors auie coma objectiu hèr a conéisher es valors de Vilamòs e era Val d’Aran enes ambits dera cultura, natura, hèstes, monuments, persones e activitats.

Eth Concors vò immortalizar era pletòra dera natura deth nòste País que enguan, exuberanta lutz coma jamès es sons colors gràcies ara climatología intensa des darrèri mesi.

En Concors i an participat pròp de 150 fotografies prenudes pendent aguest an.

Un Jurat compausat per especialistes dera imatge e era comunicacion dera Val d’Aran a trigat es dètz milhores fotografíes.

Era fotografia guanhadora a estat era presentada per Pablo Arancibia que jos eth títol “Vilamòs”, reflectís es huecs d’artifici dera Hèsta de Vilamòs e a auut coma prèmi un Dron e será era imatge deth pannèu deth programa dera Hèsta Major de 2019. I auec dus accésit qu’aueren coma premi ua camara GoPro entath 1èr accésit tara fotografia ”Silenci” de Antoni Morlans e un camalhon tath 2au accésit, tara fotografía “Sant Ròc” de Jordi Soler.

Er acte de proclamación de finalistes e era entrega des prèmis se hec ena sala d’exposicions deth Musèu Etnografic Casa Joanchiquet de Vilamòs.

En madeish acte s’inaugurèc ua exposicion damb es 150 milhores fotografies que tierà dubèrta entath public enquia era Hèsta de Sant Miquèu.

Es fotografies se publicaràn enes hilats sociaus e ena plana web dera asociación Es Paums.

Eth Concors compde damb eth supòrt der Ajuntament de Vilamòs e eth Conselh Generau d’Aran.

Ar acte i assistiren Jèp de Montoya e Parra, Assessor de Cultura deth Conselh Generau d’Aran, Jusèp Loís Sans, President der Institut d’Estudis Aranesi Acadèmia aranesa dera lengua occitana, e er Alcalde der Ajuntament de Vilamòs, Francés Castet.

Era organizacion sage, en tot júnher era aficion ara fotografia e eth potenciau de difusion des hilats sociaus, de descorbir e hèr a conéisher lòcs, paisatges e cornèrs encara amagadi deth nòste País.