Entà deman diuendres, 18 de junhsèga, se previen temperatures maximales extrèmes ena Val d’Aran

Recomanacions de Proteccion Civiu deuant er Avís de Calor previst entàs pròplèus dies

Damb era calor, extrema es precaucions s’auetz a cargue mainatges petiti, gent grana o se vos cau realizar prètzhèts pesadi o trabalhs en exterior.

Era Direccion Generau de Proteccion Civiu (DGPC) a emetut un avís de risc per calor per temperatura maximala extrèma en base as previsions meteorologiques emetudes peth Servici Meteorologic de Catalunya (SMC) e pes afectacions que se preve que se ne pòden derivar.

Segons era informacion deth SMC se preve un episòdi de temperatura maximala extrèma entà aué e deman. Aué dijaus, er avís de calor afectarà eth Naut Pirenèu e Aran, e es comarques dera Noguera, Garrigues, Segrià, Plan d’Urgell e Urgell, ena demarcacion de Lleida.

Entà deman diuendres se manten era prevision entàs madeishes comarques qu’aué e s’ahigen es comarques deth Naut Empordà, La Garrotxa e Plan der Estany dera demarcacion de Girona.

Eth lindau establit peth Servici Meteorologic de Catalunya se correspón damb era superacion dera temperatura maximala jornalièra de cada municipi establit peth percentil 98. Eth percentil 98 ei eth valor estadistic qu’indique que sonque 2% de dies des mesi d’ostiu, era temperatura maximala a estat superiora ad aguest valor. Aguest percentil, pren un valor diferent en cada municipi en foncion des temperatures maximales que s’i artenhen.

Consultatz ací eth valor deth percentil 98 deth vòste municipi:
http://bit.ly/1jOOswI

Deuant er avís de risc per calor prevista entàs pròplèus dies Proteccion Civiu recomane

• En casa, controtlatz era temperatura

Pendent eth dia, barratz es persianes des hièstres a on tòque eth solei.
Ara net, dauritz es hièstres de casa entà refrescar-la.
Sigatz enes estances mès fresques.
Recorretz a bèth tipe de climatizacion (ventiladors, aire condicionat). Se non n’auetz, sajatz de passar aumens dues ores ath dia en lòcs climatizats (centres comerciaus, cinèmes, eca.).
Refrescatz-vos soent damb doches, tovalhòles chaupades damb aigua, eca.
Beuetz aigua fresca de forma regular encara que non ajatz set.
S’auetz animaus de companhia, procuratz que non siguen en solei e idratatz-les.

• En carrèr

Evitatz eth solei dirècte

Portatz ua casqueta o un capèl.
Utilizatz ròba leugèra (coton), de colors clars e que non sigue ajustadi.
Procuratz caminar pera ombra, èster jos un para-solei quan sigatz ena plaja e pausatz en lòcs fresqui deth carrèr o en espaci barradi que siguen climatizadi.
Portatz aigua e beuetz-ne soent.
Chaupatz-vos un shinhau era cara e, quitament, era ròba.
Evitatz gésser enes ores de mès calor e evitatz es activitats fisiques intenses.

• En coche

Evitatz viatjar damb coche pendent es ores de mès calor; portatz tostemp liquids entà idratar-vos.
Non deishatz jamès es mainatges ne es persones granes ath laguens deth veïcul damb es hièstres barrades. Tanpòc podetz deishar laguens eth coche damb es hièstres barrades es animaus de companhia.
Quan hètz un viatge long, arturatz-vos periodicaments entà pausar e refrescar-vos.
Hètz ua atencion especiau as cambis subtes de temperatura que se produsissen en entrar e gésser deth veïcul.

• Enes minjars

Hètz minjars leugèrs, evitatz es minjars fòrça cauds e es qu’apòrten fòrça calories (sausses, fregidi, rebocadi).
Prenetz neurituds riques en aigua (frutes, verdugalhs e ortalécies); vos ajudaràn a recuperar es saus mineraus perdudes pera sudor.
Beuetz fòrça aigua e chuqui de fruta ath long deth dia, encara que non ajatz set.
Non prenatz begudes alcooliques.

• Ajudatz as auti

Se coneishetz gent grana o malauta que viu sòla

Sajatz de a visitar-les un còp ath dia.
Ajudatz-les a seguir aguesti conselhs.
Se prenen medicacion, revisatz damb eth sòn mètge s’aguesta pòt influïr ena termoregulacion e se s’a d’ajustar o cambiar.

Se trobatz bèra persona damb es efèctes dera deshidratacion

Avertitz urgentment as servicis medicaus o ath 112.
Transportatz-la a un endret mès fresc.
Datz-li aigua, chaupatz-la e ventatz-la, enquia qu’arriben es professionaus dera salut.

Se voletz conéisher es efèctes negatius dera calor sus eth còs uman e es recomanacions entà previer-les podetz consultar eth Canau Salut deth Departament de Salut.

D’auta banda, s’aguesti dies auetz a cargue mainatges tanben vos pòden interessar es conselhs d’ostiu entàs mainatges mès petiti deth Departament de Salut.

S’auetz a cargue persones granes consultatz es conselhs Persones granes: mesures entà previer era calor deth Departament de Benestar Sociau.

Per darrèr, se vos cau trabalhar en exterior damb temperatures nautes ei important que consultatz es conselhs de calor pendent era jornada laborau d’ostiu deth Departament d’Empresa e Aucupacion.