• Eth dissabte 12 de deseme en Baqueira Beret s’organize ua naua edicion de Salomon Quest Challenge, competicion qu’en aguesta escadença se solidarize damb “La Marató de Tv3”.

Baqueira Beret amassa damb Salomon Quest Challenge, en colaboracion d’Era Escòla, establiments dera Val d’Aran e era mès importanta, era de cadun de nosati damb era nòsta participacion, se some ara 24 edicion de “La Marató de Tv3” entà fomentar era investigacion biomèdica, enguan dedicada ara luta contra era diabetis e era obesitat, es malauties metaboliques mès frequentes en Catalonha.

Era obesitat ei un problèma cada viatge mès frequent ena poblacion mondiau que non s’explique sonque pes cambis d’estil de vida associada enes païsi desvolopadi. Fòrça des sues potenciaus causes biologiques, ambientaus e condicionaus genetics se desconeishen encara. S’estime qu’er indèx d’obesitat entre era poblacion infantila s’a triplat enes darrèri 15 ans e qu’un mainatge obès acabarà en tot èster un adult malaut.

En 1998, La Marató se dediquèc ara diabetis. Aquera edicion sensibilizèc largaments ara societat mès tanben representèc un impuls significatiu ena investigacion d’aguesta patologia en Catalonha. 17 ans dempús, La Marató se centrarà en aguesta malautia e ena obesitat, damb er objectiu d’impulsar naui projèctes d’investigacion era biologia celular, terapies genetiques, naui medicaments e tractaments “diana” que melhoren era qualitat de vida des persones afectades e, en generau, permeten auançar ena sua coneishença a compdar de toti es airaus dera investigacion (basica, clinica e epidemiologica).

Per açò era pròplèu edicion de La Marató de Tv3 desplegarà era sua capacitat de sensibilizacion sociau e de mobilizacion populara entà dar visibilitat ad aguestes dues malauties metaboliques.

En Baqueira/Beret pòdes èster solidari damb LA MARATÓ DE Tv3

Per sonque 3 èuros pòdes ramplir un copon damb es tues donades enes burèus d’atencion ath client dera còta 1500 de Baqueira e participar en ua tòia de forfaits, cursets, sopars e regals qu’aufrissen es establiments dera Val d’Aran e ath delà, se te hè gòi, pòdes deishar eth tòn donatiu.

Eth dissabte 12 de deseme en Baqueira Beret s’organize ua naua edicion de Salomon Quest Challenge, competicion qu’en aguesta escadença se solidarize damb La Marató de Tv3.

Podem inscriuer-mos a trauès dera pagina web www.salomonquestchallenge.com a on part d’aguesta inscripcion se darà entara causa, o sonque ath gigant pera Marató er impòrt d’inscripcion 10 èuros se ne somarà ara recaptacion. Trofèus pes tres prumèrs classificadi de cada categoria e tòia entre toti es participaires de materiau d’esquí e d’auti regals. Entà arrecuélher eth prèmi serà de besonh èster present.

Donatius entara Marató de Tv3:

Per Internet a trauès dera web de La Marató e mejançant es “caixers” automatics de la Caixa

Donatius particulars: transferéncia bancària en la Caixa, en numèro de compde SE94 2100 0555 34 0202122222.