Damb uns espesors en pistes dejà premanidides enquias 25 cm, era estacion dera Val d’Aran e Vals d’Àneu daurirà un totau de 5 pistes dera Cara Nòrd que seràn accessibles a trauès deth telesèra Jorge Jordana (Orri).
En Baqueira Beret era sason 2016-2017 començarà ena data de dubertura prevista dempús des nheuades des darrèri dies qu’an estat abondiues enes zònes nautes. Es baishes temperatures enregistrades a compdar de dijaus an permés produsir grana quantitat de nhèu enes còtes mejanes e baishes.
Eth trabalh des equipes de preparacion de pistes e produccion de nhèu permeteràn daurir deman dissabte 26 de noveme es pistes Luis Arias, Pales der Arias 1, Cara Nòrd, Isards e Tamarro damb uns espesors d’entre es 5 cm enes còtes baishes e es 25 cm ena còta 2500.
Aguestes pistes seràn accessibles a trauès deth telesèra Jorge Jordana quedant era entrada pera estacion exclusivaments per Orri a on es “taquilhes” seràn daurides ath public. Eth prètz deth forfet tad aguesta dimenjada serà de 30€ adults e 19,80€ infantils.
Per un aute costat, es servicis de restauracion dauridi seràn es deth Moët Winter Lounge e eth “parrec” d’Orri e eth loguèr dubèrt Ski Service serà eth de Baqueira 1500.
Principaus nauetats entad aguest iuèrn
Es nauetats destacades son eth remodelament de pistes amiades a tèrme eth passat ostiu some 1 km mès ath mapa de pistes abalisades entà un totau de 151 km mès es 5 km d’itineraris de montanha. Ath delà, s’a hijut ath còmput totau eth traçat d’Audi Ski Kronos que tant exit auec eth passat iuèrn. Damb aguest ampliament, Baqueira Beret passe a auer 104 pistes abalisades sense desbrembar eth vast domeni de freeride en un airau esquiable de 2.166 ha.
Ath delà dera qualitat des pistes, en Baqueira se melhore cada an er apartat de restauracion. S’a reformat era tradicionau Bòrda Lobato plaçada ath costat deth parcatge de 1500 damb çò qu’entà aguest iuèrn s’ampliarà eth sòn orari de dubertura en tot daurir ath meddia e tanben entar après-ski. Tanben se daurirà un nau locau, Deli Baqueira, damb productes gourmet en Fòrum, era quau causa redundarà eth bon ambient d’aguesta zòna dejà fòrça melhorada era passada sason damb es naui Wine Bar by Vinya Pomal e eth Drinkery der Otèl Montarto.
Vielha, 25 de noveme de 2016
Conselh Generau d’Aran: Núria Sanjuan
Informacion facilitada per: Baqueira Beret