Vielha, 17 de mai de 2017.- Eth passat dissabte 13 de mai se disputèc en Saragossa era XVI edicion deth Campionat Interautonomic A.N.K. (Associacion Nacionau Kyokushinkai).

Eth XVI Campionat Interautonomic (Catalonha, Aragon, Rioja, Navarra) se celebrèc en Pabalhon Sègle XXI de Saragossa, en tot èster era pròva finau des Jòcs Escolars 2017 disputadi eth 24 de gèr passat.

Eth competitor aranés Beltrán Bascones, de Karate Aran, artenhec dus magnifics resultats en tot classificar-se coma subcampion dera Categoria Katas (Formes), e en tot èster tresau dera categoria de Kumite (Combat).

Luís Carlos Medina, vicesíndic d’Aran e conselhèr d’Espòrts, a transmetut era felicitacion deth Govèrn d’Aran ar esportista e ath club, en tot animar-les a contunhar en tot trabalhar entà arténher succèssi esportius entara Val d’Aran.

Hònt: Palai de Gèu