Eth patinador aranés, Tòn Cónsul, artenh en prumèr dia de competicion dera Challenge Cup (Olanda) ua meritòria siesau posicion, ena quau eth nòrd-american dera equipa d’USA, Tomoki Hiwatashi, se mòstre intractable e se place ena prumèra posicion damb ua puntuacion de 62,89 punts, damb ua notabla diferéncia de dotze punts deth sòn perseguidor eth finlandés, Juho Pirinen, que finalizèc dusau damb ua puntuacion de 50,61.

Er aranés, Tòn Cónsul, qu’auec ua nòta de 49,17, acabèc siesau a sonque 1,44 punts dera dusau posicion. Jamès auie existit ua puntuacion tan ajustada entre es patinadors ena Challenge Cup, en tot demostrar qu’eth nivèu des patinadors ei fòrça naut ena categoria junior ISU.

Aué, en programa long se decidirà eth pòdi entre aguesti cinc patinadors tan ajustadi ena sua puntuacion.

Tòn, signèc un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e enes valors deth joen patinador, e dera equipa deth que hè part, mejançant eth patrocini institucionau.