Ara seguida vos detalham es resultats des competicions enes quaus an participat es diferentes equipes deth CAEI aguesta dimenjada.

Era equipa d’Interclubs a agut un bon inici de competicions en Espot, a on s’a celebrat eth 14au Trofèu Espot Esquí.

Tant eth dissabte, dia 12 de gèr, que se realizèc era SL, coma en GS deth dimenge, es esportistes deth CAEI pugèren ath pòdium.

• SL Dissabte

Arantza Vidal: 1a U14
Gabriela Hugas: 3a U14
Toni Romagosa: 1èr U14
Julia Feixa: 1a U16
Irene Aris: 2a U16
Guzmán Fernández: 1èr U18

• GS Dimenge

Alonso Fernández: 2au U14
Julia Feixa: 1a U16
Guzmán Fernández: 1èr U18

Pera sua part, era equipa de Masters disputèc en Beret eth Trofèu Masters Intercopos, qu’a estat er inici dera Copa Espanha Masters.

En aguesta competicion, ena qu’eth CAEI s’emportèc un totau de 8 medalhes, participèren clubs de tot er estat.

En GS femenin Montse Puigrefagut (F3) obtenguec ua dusau posicion.

Ena categoria masculina Xavi Riba (M4) e Luís Izquierdo (M3) se hèren damb era aur e Rafael Ruano (M4) damb era plata.

Eth dimenge se celebrèc eth SL e eth CAEI se tornèc a portar ues quantes medalhes. Ena categoria masculina M4, Rafael Ruano e Xavi Riba aucupèren era dusau e tresau posicion; ena categoria M3 Luís Izquierdo repetic era plata deth dia anterior e Cristóbal Calzado tanben artenhec era plata mès en M2.

Damb aguesti resultats sigueren eth club damb mès medalhes dera dimenjada.

En Tuixent la Vansa se celebrèc era competicion GUERRERS DEL NÒRDIC puntuable tara Copa Espanha d’esquí de hons.

Marta Céster: 1a SEN
Pablo Moreno: 4au U14

Mès informacion:  http://www.caei.es/

Vielha, 15 de gèr de 2019

Conselh Generau d’Aran: Núria Sanjuan

Informacion e fotos: CAEI