Daisy Brotons prumèra e Valeria Meire 2au en Gigant U12 e Irene Ramón 2au en U10
Bona competicion des U14/U16 deth Club CEVA ena prumèra pròva dera 1ª Fasa de Copa Espanha en Sierra Nevada
Vielha, 21 de gèr de 2019.- Es esportistes deth Club CEVA an participat aguesta dimenjada enes desparières pròves celebrades en encastre estatau, damb era prumèra fasa dera Copa Espanha Audi en Sierra Nevada, e en encastre catalan damb eth 15au Trofèu Floquet de Nhèu disputat en Espot.
Era corredora deth Club CEVA Daisy Brotons Batista s’aucèc damb era victòria en Gigant U12 deth 15au Trofèu Floquet de Nhèu, seguida pera sua companha Valeria Meire García qu’acabèc en 2au posicion. Pera sua part, Erika Ferret Pérez siguec 9au, Cristina Mateo Pascual demorèc en 17au posicion, Daniela del Rio Sergi siguec 22au e Felipa Romero Borrás 29au.
Cau soslinhar que Daisy Brotons artenhec eth melhor temps absolut en tota era competicion en categoria masculina atau coma en femenina.
En categoria U12 masculin, Daniel Bultó Gil-Vernet deth Club CEVA, demorèc en ua meritoria 5au posicion, Bruno Amilibia Ribé siguec 11au, Nicolás Amilibia Ribé eth 18au e Emilio Batista Miras 22au.
En categoria U10 femenin cau soslinhar era 2au posicion dera corredora deth Club CEVA Irene Ramón Hinojosa e en U10 masculin, Nicolás Pérez de Guzmán Sánchez, siguec 17au.
Es corredors deth Club CEVA tanben debutèren aguesta dimenjada ena 1ª Fasa dera Copa Espanha Audi U14/U16 enes pistes de Sierra Nevada.
En Super Gigant U14 masculin disputat eth diuendres, Alfonso Cubillo Goytre deth Club CEVA, entrèc en Top 10, damb era 10au posicion, e en SG 2 ac hec ena 17au. Pera sua part en Super Gigant femenin U14 deth diuendres, Isabela González Barot deth Club CEVA demorèc ena 16au posicion, e en GS 2 siguec 24au. En Gigant U14 femenin disputat eth dissabte Isabela González artenhec era 10au posicion e pera sua part Alfonso Cubillo siguec 12au en Gigant U14 masculin.
En categoria U16, Jan Jorge Berge, se classifiquèc en 12au posicion en Super G deth diuendres, e Guillermo Meire García siguec 20au. En SG 2, Jan Jorge siguec 13au e Guillermo Meire 18au. Es condicions meteorologiques advèrses non deishèren qu’eth dimenge podesse disputar-se era carrèra.
En d’aute orde de causes, tanben cau soslinhar qu’es integrants dera equipa de Freeride Jordi Tenas deth Club CEVA, an contunhat damb es sòns entrenaments especifics pendent era dimenjada.
Info e fotos: Club CEVA