Eth Conselh Generau d’Aran, Ajuntament de Naut Aran, Bisbat d’Urgell e Fondacion Jesús Serra an signat un convèni de collaboracion entara melhora deth sistèma de presentacion deth Crist de Salardú enes condicions museografiques e de seguretat avientes atenut eth valor artistic dera pèça deth sègle XII.

Er acòrd que supòse ua inversion de 75.000 èuros a de permeter contemplar d’apròp eth magnific trabalh escultoric e pictoric que possedissen tant eth Crist coma era Crèu que lo sostié e ath delà meterà en valor mejançant ua illominacion avienta es bères pintures renaishentistes que decòren es murs deth presbitèri. Tanben se prevè era reorganizacion des autars.