• Ues jornades centrades enes rèptes des joeni en Pirenèu.

Miei centeat de ponents an participat en 10 taules redones e colòquis deth diuendres e dissabte enes “Jornades Per l’Excelència”  jos eth títol “Joventut al Pirineu. Projecte vital i professional” centrant eth debat enes problèmes inquietuts, rèptes e prepauses de futur des joeni e joenes en Pirenèu.

Er objectiu d’aguesta edicion daurir debat ath torn  des emprenedors, era formacion, er accès ar abitatge, er usatge des naues tecnologies, eth teishit associatiu e eth temps de léser e es valors des joeni d’aué.

Es “Jornades per l’Excelència” son prebotjades per ua associacion sense anim de lucre que nèish en Esterri d’Àneu en 2014 coma eveniment de referéncia entà totes aqueres persones  interessades en desvolopament des territòris de montanha.

Er acte de barrament a compdat damb era sindica d’Aran, Maria Vergés, a parlat sus era “importància d’establir collaboracions damb es territòris deth Pirenèu entà trobar solucions conjuntes as rèptes que compartim”. Atau madeish, en sòn parlament a anonciat qu’eth Conselh Generau d’Aran a entrat a formar part dera organizacion d’aguest eveniment que compdarà damb ua jornada qu’aurà lòc en mes de noveme ena Val d’Aran.

Vielha, 05 d’octobre 2024