• Eth Conselh Generau d’Aran presente es activitats programades deth 8 de Març tà commemorar eth dia Internacionau des Hemnes 2025.

Uns actes qué s’encetaràn eth diuendres 7 de març damb era inauguracion dera exposicion “Imatges entara corsa” que recuelh trebalhs hèti peth grop  de joeni e joenes dera assignatura d’educacion plastica e audiovisuau de 4au dera ESO der Institut d’Aran, en espaci entara Joenessa ANTARA.

Dimenge se celebrarà era Corsa dera Hemna, organizada peth airau d’Espòrts deth Conselh Generau d’Aran, damb gessuda ena plaça d’Aran e posteriora lectura deth manisfèst deth 8M a cargue dera conselhèra  de Joenessa e Inclusion Sociau, Maria Menis.

Eth dimèrcles 12 de març aurà lòc, ena sedença deth Conselh Generau d’Aran, ua charrada a cargue des esportistes araneses Marta Céster e Lydia Iglesias sus era tematica  “Hemnes  que inspiren: conquerint er espòrt e era vida”.

Eth diuendres 14 de març, talhèr entara Joenessa “Abitar eth nòste cos: Parlem dera Violéncia estetica” er endret en Antara-espaci entara Joenessa der ajuntament de Vielha e Mijaran.

Lòc: en Antara-espaci entara Joenessa der Ajuntament de Vielha e Mijaran.

Orari: 17.00 ores

Laguens des actes programadi i aurà un cicle de talhèrs entà hemnes es dijaus 13 e 27 de març  “Abitam eth nòste cos: Parlem des violéncies estetiques, en Servici entàs drets des hemnes e persones LGTBIQ+ .

Lòc: Servici entàs drets des hemnes e persones LGTBIQ+ en C/ major,36 prumèra planta.

Orari: 17.30 a 19.00 h.

Uns actes organizadi peth Conselh Generau d’Aran a trauès des sòns servicis assistenciaus, er airau d’Espòrts, era Oficina de Joenessa, e eth Servici entàs drets des Hemnes e persones LGTBIQ+, damb era collaboracion  der Ajuntament de Vielha e Mijaran.

Vielha, 24 de hereuèr 2025