• Agents de Miei Ambient deth  Conselh Generau d’Aran an constatat un atac d’os a oelhes e crabes que peishien en un solan deth Naut Aran, aguest passat dissabte

Er os a mòrt un boc, un mardan, dues oelhes e un aute boc desapareishut.

Es agents de Miei Ambient trabalhen sus eth terrenh tà remassar mòstres que poguen facilitar era deteccion der animau.

En aguesti darrèri ans es atacs a bestiar ovin e crabun passen ena primauèra abantes der agrupament des ramats en tot amendrir ena sason d’ostiu quan es animaus se trapen en nauta montanha.

Ath long d’aguesta passada setmana es agents ja trabalhauen sus eth terrenh dauant era  possible preséncia d’un exemplar en Naut Aran.

Vielha, 23 de mai de 2024