Un totau de 24 mainatges d’Educacion primària e Educacion segondària obligatòria, de 6 a 15 ans, participèren en Concors
Eth Departament d’Agricultura, Ramaderia e Medi Naturau amassa damb er airau de Gestion de Residus deth Conselh Generau d’Aran, organizèren eth Concors d’Ecojoguets (Joguets elaboradi damb materiau reciclat), ara fin de collaborar damb era VI Setmana Europèa dera Prevencion de Residus organizadi pera Agéncia de Residus de Catalonha.
Era Setmana Europèa dera Prevencion de Residus nèish d’un projècte de tres ans qu’arrecep eth supòrt deth programa LIFE+ dera Comission Europèa. Er objectiu ei organizar pendent ua madeisha setmana per tota Euròpa, accions de sensibilizacion sus era prevencion de residus.
Un totau de 24 mainatges que corsen educacion primària e educacion segondària obligatòria, de 6 a 15 ans, participèren en aguest Concors a on es joguets èren elaboradi damb materiaus reciclats, que se tròben en nòste entorn e que ja non s’utilizen (tetrabriks, carton, bosses…) o materiaus que se tròben ena naturalesa.
Eth jurat lo formèren persones deth departament de Medi Ambient e per expèrts enes arts plastics.
Es prèmis les autregèc eth conselhèr d’Agricultura, Ramaderia e Medi Naturau d’Aran, Jose E. Arró, e se dividiren en categories en foncion des edats e numerò de participants. Es prèmis sigueren un Boc&Roll entà toti es participants e entàs premiadi entrades entà Arangutan, AranPark e NaturAran.
En paraules deth conselhèr Arró “damb aguest tipe de concors volem hèr préner consciéncia as mès petiti deth besonh de reciclar e reutilizar es materiaus deth nòste entorn en tot desvolopar era imaginacion e era creativitat en tot elaborar un joguet”.
Toti es joguets presentadi se pòden veir ena Bibliotèca de Vielha pendent eth mes de deseme.
PREMIADI:
– Héctor España Hitachi (6ans) – Salardú
– Dana López Vidal (7ans)- Vielha
– Vega Carrera Sánchez (8ans)- Les
– Mercè Enseñat Fernández (9 ans)- Vielha
– Laura Rodríguez de Souza (10 ans)- Bossòst
– Nil Autrand Arjó (11 ans)- Betren
– Agatha Medina Ruiz (12-14 ans)- Gausac