• Es empreses presenten aufèrtes de practiques universitàries remunerades

Eth Practicum Odisseu 2025 a iniciat ua naua edicion damb er objectiu de facilitar practiques remunerades a estudiants universitaris en empreses e entitats de municipis ruraus Leader. Aguest programa cerque fomentar eth retorn e establiment de joeni en zònes ruraus, ath madeish temps que contribuís ara competitivitat empresariau locau mejançant eth talent joen.

Eth Practicum Odisseu s’adrece a empreses e institucions plaçades en municipis ruraus Leader que poguen aufrir practiques qualificades a estudiants universitaris de grad e mastèr.

Es practiques auràn ua longada minima de 300 ores, a realizar pendent eth cors academic en vigor, abituaument pendent es mesi d’ostiu, e en tot finalizar coma maxim eth 15 de seteme de 2025. Es estudiants arreceberàn ua remuneracion minima de 7€/ora (bruts), damb un finançament public deth 60% entàs prumères 300 ores, çò que supause ua ajuda de 1.260 €.

Es empreses e entitats pòden presentar enquia dues aufèrtes de practiques abans deth 27 de març a trauès dera web https://www.odisseujove.cat/practicum-empresa/

Eth Practicum Odisseu s’aplique as municipis des comarques ruraus Leader de Catalonha e compde damb eth supòrt des 11 grops d’accion locau (GAL), eth hilat de professionaus de Joenessa e era Associacion d’Iniciatives Ruraus e Maritimes de Catalonha (ARCA).

Vielha, 15 de març 2025