Dempús deth nuclèu de Val de Ruda, Bossòst serà eth prumèr pòble dera Val d’Aran que compdarà damb gas canalizat.
Era Comission Territoriau d’Urbanisme dera Val d’Aran (CUVA), copresidida peth sindic d’Aran, Carlos Barrera, e peth director generau d’Ordenacion deth Territòri e Urbanisme, Agustí Serra, a aprovat aué:
BOSSÒST
– Ampliacion deth camping Espalias de Bossòst. Damb aguesta ampliacion eth camping dispausarà de 78 unitats d’acampada.
– Implantacion d’un otèl e dubertura de dus viaus enes terrens plaçadi ath nòrd deth nuclèu urban, damb frontau ath sud-èst damb eth carrèr de Sant Ròc, en tot limitar peth sud-oèst damb es edificacions qu’an accès des des carrèrs Prat des Lops e Casteràs, e peth nòrd e er oèst damb era montanha de Casteràs.
– Installacion d’ua planta satellit de gas naturau GNL e deth hilat basic de distribucion en solèr non urbanizable entà per’mor de provedir gas naturau ath nuclèu de Bossòst.
VIELHA E MIJARAN
– Ajustar eth traçat d’un camin en solèr classificat coma urban plaçat ath sud-oèst deth nuclèu urban de Vielha e Mijaran, ar entorn deth carrèr Camin de Plaus que connècte ar oèst damb eth carrèr Sarriulèra, unic punt de connexion urbanitzat damb eth centre urban. Se preve era dubertura d’ua via entà caminaires de direccion nòrd-sud, que trauèsse peth centre e connècte eth carrèr Camin de Plaus damb es carrèrs Mossen Nart Arjó e deth Metdia, en tot afectar er abitatge existent.
– Cambiar era qualificacion d’uns terrens en tot passar de sistèma viari a espaci liure privat e arreconéisher er usatge otelèr (Ribaeta) coma usatge admetut en airau, atau coma, hèr coincidents es superfícies deth sector enes diferenti documents de planejament urbanistic en vigor. Er airau d’accion ei plaçat ath sud deth nuclèu urban de Vielha, en tot limitar damb er arriu Nere (forme part der airau: Coto Março).
– Plan de melhora urbana d’organizacion volumetrica en nuclèu d’Escunhau. Bastiment de naui abitatges. Era estructura dera proprietat la conformen un otèl (Es Pletius), un restaurant e eth parcatge, damb era prevision der enderrocament des edificacions existentes der otèl e deth restaurant e eth bastiment de naues bastisses d’usatge residenciau
NAUT ARAN
– Ampliacion dera planta de tractament d’arids e produccion de hormigon (HORMARAN) destinadi en part ara mantenença deth hilat viari dera Val d’Aran e entorns. Plaçada a uns 130 m ath sud deth nuclèu urban d’Arties (Naut Aran), aguestes installacions an foncionat de manèra ininterrompuda des de hè 40 ans.
– Bastiment d’ua sala d’explotacion ena Presa d’Aiguamòg. Naua sala de vigilància e explotacion entara presa d’Aiguamòg.
Vielha, 2 de noveme de 2016
Conselh Generau d’Aran: Núria Sanjuan