En un acte daurit ath public, era Reau Federacion Espanhòla d’Espòrts d’Iuèrn a presentat en Salardú, Val d’Aran, es estructures esportiues que conformen era RFEDI entara presenta sason

Entre es assistents cau destacar es velocistes er esquí aupin Carolina Ruiz e Paul de La Cuesta, Lucas Eguibar e Regino Hernández de SBX, Laura Orgué e Imanol Rojo d’esquí de hons e Victoria Padial de biatlón, ath delà deth joen aranés d’esquí aupin present enes Jòcs Olimpics de Sochi 2014, Álex Puente, entre uns auti.

Ei eth prumèr còp qu’era RFEDI organize un eveniment inaugurau d’aguestes caracteristiques en quau s’amassen era majoria des esportistes de mès nivèu deth panorama d’iuèrn espanhòu.

Eth sindic d’Aran, Carlos Barrera, amassa damb eth baile de Naut Aran, César Ruiz-Canela, eth vicesindic d’Aran, Luís Carlos Medina, eth conselhèr d’Espòrts d’Aran, Marcos Viló, e eth president dera FCEH, Óscar Cruz, an acompanhat ath president aranés dera RFEDI, May Peus, en aguesta presentacion.

En paraules deth sindic d’Aran, Carlos Barrera, “ei un orgulh entara Val d’Aran auer ar aranés May Peus ena presidéncia dera RFEDI.”

Esportistes assistents:

Esquí aupin:

Carolina Ruiz
Paul de la Cuesta
Pol Carreras
Juan del Campo
Mariona Boix
Julia Bargalló
Núria Pau
Alex Puente
Quim Salarich

Esquí de hons:

Laura Orgué
Imanol Rojo

Snowboard:

Lucas Eguibar
Regino Hernández
Laro Herrero

Biatlon

Victoria Padial

Eth sindic d’Aran, Carlos Barrera, s’a dirigit afectuosament ar esportista aranés, Álex Puente, e a soslinhat “arribar a on a arribat Álex ei era recompensa ath sòn trabalh e esfòrç”.

Álex Puente, signèc un convèni entà promòir era destinacion toristica esportiua Val d’Aran peth mon, representada ena imatge e enes valors der esportista, e dera equipa deth que hè part, mejançant eth patrocini institucionau. “Qui melhor qu’es nòsti joeni esportistes professionaus aranesi entà representar eth nòste país e eth sentiment d’identitat” a ahijut Barrera.