· Aguesta tarde a auut lòc era ceremònia de liurament des Prèmis dera XXIVau edicion der Aran de Literatura, XXXIVau Prèmis Mn. Condò Sambeat e III Concors de Cuertmetratges en Aranés 2024.
· Aguesti concorsi, organizadi peth Conselh Generau d’Aran, an coma objectiu mantier viua era nòsta lengua, er aranés, e era identitat a trauès dera literatura e es contenguts audiovisuaus.
Aguesta tarde a auut lòc, ena glèisa de Mijaran, era ceremònia de liurament des Prèmis Aran de Literatura, Prèmis Mn. Condò Sambeat e III Concors de Cuertmetratges en Aranés, qu’organize eth Conselh Generau d’Aran a trauès deth sòn departament de Politica Lingüistica.
Era sindica d’Aran a destacat ena sua intervencion que “er impuls der aranés passe sense cap de dubte per impuls dera creacion literària e, en aguest cas, tanben audiovisuau, quauquarren en çò qu’eth govèrn d’Aran trabalhe enes darrèri mesi, e aguesti concorsi, damb ja ua longa trajectòria, son fòrça importants en aguesta promocion”. Atau madeish, era sindica d’Aran a felicitat as guanhadors e guanhadores d’aguesti concorsi, e ara rèsta de participants, que damb es sues òbres demòstren eth sòn compromís damb era nòsta lengua, e que mos dèishen un auviatge culturau plan important e de besonh”, en tot arregraïr tanben “as membres deth jurat d’aguesti Prèmis e ar airau de Politica Lingüística deth Conselh Generau d’Aran era sua dedicacion”.
Es guanhadors d’enguan an estat:
3au Concors de Cuertmetratges
Categoria Infantila
Finalista eth cuertmetratge “ Imagina” des alumnes de I5A e I5B dera Escòla Garona de Vielha.
Prumèr prèmi ath cuert “Tornaram tà Bossòst” des Corsi I3, I4 e I5 dera Escòla Sant Ròc de Bossòst.
Categoria Primària
Finalista ath cuertmetratge “Causes nòstes” deth prumèr e dusau Cicle Iniciau dera Escòla Sant Ròc de Bossòst.
Prumèr prèmi ath cuertmetratge “ Cristina se’n va a víuer ena ciutat” dera Escòla Garona de Vielha.
Categoria ESO/Bachelierat
Finalista ath cuertmetratge “Ments cambiades” de 4au d’ESO.
Eth Prumèr prèmi demore desèrt
Ena Categoria 2, adreçada as associacions, entitats e particulars en generau, non s’a presentat cap cuert.
XXXIVau edicion des Prèmis Mn. Condò Sambeat
NIVÈU A
Categoria Poesia
2au. Accèssit, Paola Troncoso Safont per«Guaires emocions ».
1èr Accèssit, Iker Peláez Montañes per «Era mòrt».
Finalista, Júlia Madrid Estrada per “Eth pas deth temps”.
Prumèr Prèmi, Aleix Solís Peremartí per “Era Natura”.
Categoria Narracion
2au. Accèssit a Clàudia Balcells Lorente per «Era ièrla misteriosa”
1èr. Accèssit a Júlia Madrid Estrada per “Un mag tracassièr”.
Finalista a Isauri García Cepeda per “Un sòni hèt realitat”.
Prumèr Prèmi a Victoria Ricaldi Ochoa per “Atrapadi ena guèrra”.
Nivèu B
Categoria Poesia
Accèssit a Quer Sanabria Aparicio per “Lèrmes de patz”.
Nivèu C
Era categoría de poesia non a auut cap representant.
Categoria Narracion
2au. Accèssit a Laia Solís Peremartí per “Un amor enganhat”
1èr. Accèssit a Àlex Sanjuan Hila per “Eth misteriós robatòri en casa de Pèir”
Finalista a Esther Grosso Mouzo per “Vivéncies”
Eth prumèr prèmi s’a declarat desèrt.
Non i a auut representacion ena categoria de Poesia.
24au edicion deth Prèmi Aran de Literatura
Categoria Poesia
2au Accèssit ath poèma « Resignas-me » d’Amy Rouméjon.
1èr Accèssit ath poèma « En blanc » de Marcos Nart Moga.
Finalista ath poèma “Eran pescaires” de Paulina Kamakine.
1èr premi ath poèma “Eth mau poeta” de Xavi Gutiérrez Riu.
Categoria Narracion
En çò que hè ara pròsa, damb ua soleta òbra presentada, eth Jurat d’aguesta 24au edicion a decidit deishar desèrt es prèmis per considerar que non a agut sufisents elements de judici entà avalorar-les tamb era rigorositat requerida.
Categoria Novèlla Juvenila
Ena categoria de Novèlla Juvenila non i a agut cap de persona presentada
Vielha, 14 de junh de 2024