Eth passat deluns 30 d’abriu eth conselhèr de Territòri d’Aran, José Antonio Boya, assistic ara inauguracion oficiau deth nau tunèl de Saint Béat.

Pendent er acte d’inauguracion, eth conselhèr de Territòri d’Aran, manifestèc qu’era metuda eth foncionament deth tunèl de Saint Béat hè que se torne a veir damb preocupacion era situacion dera carretèra N-230 ath sòn pas pera Val d’Aran, damb un volum de pas de camions de gran tonatge que cada còp va en aument. Ei per aguest motiu que des deth Conselh Generau d’Aran s’a demanat as autoritats franceses que se mantenguen es restriccions ath pas de camions en Saint Béat entre es 22:00 e es 06:00 ores e estener-la en futur a tot eth dia as dimenjades, entà evitar un aument deth transit en tot pesar ena N-230.

José Antonio Boya arrebrembèc ath delà qu’aguesta ei ua òbra inacabada, donques encara manquen 4 km de bastiment dera varianta que li manque completar era connexion damb eth pònt, ua connexion que non ei prevista que sigue finalizades enquia er an 2024.

Ara inauguracion deth nau tunèl i participèren Mme. Carole Delga, Presidenta dera Region Occitanie/Pyrénées-Mediterranée, Pascal Mailhos, Préfet de la région Occitanie – préfet de la Haute-Garonne,  Georges Méric, president deth Conseil départemental dera Haute Garonne, e eth baile de Saint Gaudens, Jean-Yves Duclos, entre d’auti.