Era estacion de Tuixent La Vansa acuelhec era passada dimenjada, 14 e 15 de gèr, es Campionats d’Espanha d’esquí de hons, a on s’amassèren mès de 60 corredors catalans (FCEH).

Era aranesa, Lydia Iglesias, grana protagonista dera dimenjada, damb ua dobla victòria que confirme eth sòn talent.

Pòdis tanben entàs aranesi: Marta Céster, Maria Iglesias, Pablo Moreno e Marc Vidal.

Toti eri aueren de participar en ues condicions meteorologiques complicades, sustot eth dimenge, a on non parèc de nheuar e bohar eth vent en tot eth maitin e calec modificar eth circuit.

En pòdi U16 femenin, era aranesa, Maria Iglesias, der ANEC (2:03.62) obtenguec era victòria per deuant de Martina Barres dera P.E.C. (2:03.54) e de Maria Selles deth BELLVER (2:04.53).

Ena categoria U18-U20 femenin, era aranesa, Lydia Iglesias, der ANEC (4:04.07) guanhèc per deuant de Paula Martinez deth CENA (4:11.38). E ena categoria sènior femenina, titòl entara aranesa, Marta Céster, deth CAEI (4:05.73).

Per çò que tanh ara modalitat classica de dimenge, ena U12 masculin, Marc Colell deth CEFUC (13:20.05) s’emportèc eth titòl, damb er aranés, Pablo Moreno, deth CAEI (13:31.29) ena tresau posicion.

En U16 femenin, aute còp era aranesa, Maria Iglesias, der ANEC (15:56.72) obtenguec eth titòl per deuant de Maria Selles deth BELLVER (16:42.12) e de Martina Barres dera P.E.C. (16:48.64).

Un aute pòdi en U18 masculin, a on er aranés, Marc Vidal, der ANEC (44:19.81) siguec eth mès rapid en tot superar a Gral Selles deth BELLVER (44:28.06) e a Francesc Colell deth CEFUC (44:52.26).

En U20, era aranesa, Lydia Iglesias, der ANEC (31:23.81) se proclamèc campiona.

Lydia Iglesias siguec ua des granes protagonistes dera dimenjada, damb ua dobla victòria que confirme eth sòn talent.

E dejà enes categories mès granes, era aranesa, Marta Céster, deth CAEI (48:35.88) guanhèc.

Vielha, 16 de gèr de 2017

Conselh Generau d’Aran: Núria Sanjuan

Hònt e Foto: FCEH