Dus d’aur, dus d’argent e dus de bronze, ei eth resultat finau des pòdiums artenhudi peth CEGVA en aguesti campionats de Catalonha 2019.
Era passada dimenjada, deth 27 e 28 d’abriu, se celebrèc ena pista de gèu de Puigcerdà (Girona), eth Campionat de Catalunya Open de Patinatge Artistic sus gèu organizat peth club P.A. Puigcerdà e pera Federació Catalana d’Esports d’Hivern (FCEH) a on participèc eth Club Espòrts de Gèu Val d’Aran (CEGVA).
Clàudia Capdevila, ena categoria Intermediate Novice se proclamèc campiona, seguida dera sua companha de club Irene Aris.
En categoria Cadete Femenin, obtenguec un meritòri tresau lòc, Berta Feixas, ath temps que Dani Odriozola s’impausèc en Infantil A masculin.
Griselda Serrallach e Georgina Serrallach obtengueren era dusau e tresau plaça, respectivaments, ena categoria femenina Júnior.
Vielha, 2 de mai de 2019
Conselh Generau d’Aran: Núria Sanjuan
Informacion e fotos: CEGVA