Era Dra. Maite Vilalta e era Dra. Paula Salinas, dera Universitat de Barcelona, presenten es prepauses deth modèu de finançament e eth Dr. Agustí Bosch e eth Dr. Macià Serra, dera Universitat Autònoma de Barcelona, presenten es prepauses deth sistèma electorau deth Conselh Generau d’Aran.

Vilalta, a destacat aqueri aspèctes fonamentaus sus era singularitat deth finançament deth Conselh Generau e es posssibles modèus garantistes e de desvolopament d’un mielhor autogovèrn, damb equilibri financèr e sostenible en eth temps.

Pera sua part, Bosch e Serra, an hèt ua analisi brilhant sus es diuèrsi scenaris electoraus comparant es possibles resultats damb cadun des sistèmes de forma objectiua e scientifica, e en tot basar-se en experiéncies des institucions representatiues mès propères locaus, autonomiques, estataus e europèes.

En paraules deth vicesindic d’Aran e conselhèr d’Administracion Publica, Finances e Coneishement, Luís Carlos Medina, “aguesti estudis elaboradi a peticion deth Govèrn deth Conselh Generau d’Aran, coma compromís damb es grops politics damb representacion politica en Conselh, permeteràn era redaccion d’un articulat ena prepausa dera Lei d’Aran damb ua base scientifica e satisfactòria tara sua tramitacion e era futura aprobacion”.