Vielha, 27 de mai de 2019.- Ager 26 de mai pendent eth maitin se capturèc un os mascle de 120 quilòs era val d’Aran, en municipi de Vielha e Mijaran.

Se tracte d’un os joen capturat en marc dera accion deth Piroslife de captura e monitorizacion d’ossi, entà evitar conductes conflictives e facilitar era gestion preventiva.

Er os siguec equipat damb un collar GPS e emissors VHF, microchip e identificadors d’aurelha, e sometut a ua exploración veterinaria. Se realizèren biometries e obtencion de mòstres biologiques, que permeteràn conéisher era identitat e era filiacion.

Er exemplar, ère en bones condicions fisiques e tot eth protocòu de captura e marcatge se produsic sense incidents. En operatiu, dirigit per tecnics e agents deth Conselh Generau d’Aran, participèc tanben personau dera Generalitat de Catalonha; tecnics deth Departament de Territòri e Sostenibilitat, de Forestau Catalana e deth Còs d’Agents Ruraus.