Vielha, 29 de noveme de 2017.- Des de Cáritas dera Val d’Aran conviden a èster part de Cáritas e a participar dera sua campanha de Nadau entà que mès persones se somen as que ja i collabòren e compartisquen eth rèpte de trobar solucions contra era praubesa.

Es dies 28, 29 e 30 de noveme de 17 a 20 ores ena sala d’exposicions de Vielha ena Av. Pas D’Arró, 7, conviden a tot eth qui volgue participar a conéisher es programes de Cáritas de supòrt as persones, atau coma es diuèrses activitats que realizen en centre Val d’Aran.

Entà poder acuélher, acompanhar e ajudar as persones que se dirigissen a Cáritas Val d’Aran conviden a tot qui cre qu’es situacions que viuen es persones vulnerablas non aurien de produsir-se e que vòlen hèr quauquarren.

Des de Cáritas Val d’Aran, vòlen somar mès persones comprometudes que volguen compartir es sues capacitats, es sòns recorsi e es sues esperances entà auançar en bastiment d’ua societat mès acuelhenta, inclusiva e justa.