• A collaborat en diuèrsi estudis e publicacions e en abriu de 2016 se podèc véir en Vielha ua exposicion damb ua mòstra de 33 espècies de libellules que se pòden trapar ena Val d’Aran.

• Er estudi e fotografia des madeishes le portèren a descurbir quate espècies naues ena Val d’Aran.

Eth sindic d’Aran, Carlos Barrera, era directora der Archiu Generau d’Aran, Maria Pau Gómez e era hemna de Toni Estany, Maria José González, an signat eth contracte de cession deth hons deth fotograf aranés, Toni Estany, format per ues 30.000 imatges (negatius e positius).

En paraules deth sindic d’Aran, Carlos Barrera: “Se tracte d’un hons de grana relevància e interès, recuelh imatges dera natura, flora e fauna dera Val d’Aran. Des deth Govèrn d’Aran arregraïm era responsabilitat e era generositat en voler qu’aguest patrimòni sigue conservat enes melhors condicions e enes melhors installacions coma ei er Archiu Generau d’Aran”.

Toni Estany neish en Vielha en 1962, dera man de José Porras s’inicie ena fotografia e acquerís era sua prumèra camara fotografica. Monte eth sòn pròpi laboratori en casa sua entà poder revelar es fotografies. Es sòns prumèrs trabalhs fotografics se centren enes paisatges, es persones e era flora e fauna aranesa. Posteriorament centrarà es sòns trabalhs ena fotografia d’insèctes, en tot èster eth sòn trabalh mès destacat eth dedicat as libellules. Er estudi e fotografia des madeishes le portèren a descurbir quate espècies naues ena Val d’Aran. A collaborat en diuèrsi estudis e publicacions sus aguest tèma e en abriu de 2016 se podèc véir en Vielha ua exposicion damb ua mòstra de 33 espècies de libellules que se pòden trapar ena Val d’Aran.

Carlos Barrera, sindic d’Aran, a soslinhat: “Enguan se plaçarà ena Bassa d’Oles un pannèu informatiu de sensibilizacion cap ara natura, insèctes e libellules damb fotografies de Toni Estany”.

Vielha, 24 de març de 2017

Conselh Generau d’ Aran: Núria Sanjuan