Damb era finalitat de conscienciar sus eth besonh de protegir-se deth solei en iuèrn ena montanha entà previer eth càncer de pèth, era Junta Locau d’Aran dera AECC- Catalunya contra el càncer organizèc ua charrada eth passat diuendres, 13 de hereuèr, ena sedença Conselh Generau d’Aran, damb eth cap de dermatologia der Hospital del Mar de Barcelona, Dr. Ramón Pujol.

Des dera Junta Locau d’Aran manifestèren qu’“entara gent que trebalhe tota era sason d’iuèrn en ua estacion d’esquí ei important auer era informacion e èster sensible ad aguest tèma”.

Eth conselhèr de Salut e Benéster d’Aran, Eduardo Valdecantos, soslinhèc en tot finalizar era charrada “era exposicion as rais deth solei e der ambient semblen èster es factors ambientaus mès importants ena aparicion deth càncer de pèth. Es mesures entà protegir-se deth solei pòden previer eth càncer de pèth se s’utilizen de forma constanta.”