Pendent eth termini de presentacion des ajudes que finalizarà eth pròplèu 21 de març, es persones interessades se poderàn informar sus es ajudes ena sedença deth Conselh Generau d’Aran toti es dijaus de 9 a 14 ores. 

Aguest diuendres 12 as 11 ores amassada informatiua ena madeisha sedença deth Conselh Generau d’Aran sus era convocatòria des ajudes europèes LEADER.

Aguesta setmana eth Conselh Generau d’Aran, a iniciat era convocatòria entara presentacion des projèctes que se volguen acuélher as naues ajudes europèes LEADER 2016, que per prumèr còp se ne poderàn beneficiar to
ti es particulars dera Val d’Aran interessadi en impulsar un projècte empresariau generador d’activitat economica, atau coma es ajuntaments dera Val d’Aran.
Siguec en 2015 qu’eth Govèrn d’Aran, artenhec materializar aguest hèt reivindicat pera Val d’Aran, qu’a de supausar un impuls important ath desvolopament economic deth territòri.

Eth Departament d’Agricultura, Ramaderia, Pesca e Alimentacion (DARP) dera Generalitat de Catalonha, a seleccionat 11 Grops d’Accion Locau (GAL) Leader, entà aplicar eth desvolopament locau participatiu Leader en marc deth Programa de Desvolopament Rurau ( PDR) de Catalonha 2014-2020.

Un des objectius principaus des GAL ei era dinamizacion territoriau e era divulgacion des sòns projèctes mès estrategics e bones practiques, amassa damb era gestion des ajudes, que convòque annauments eth DARP entà fomentar era realizacion d’inversions que genèren activitat economica enes zònes ruraus e fomenten era creacion e/o mantenença de lòcs de trabalh, principauments de hemnes e de joeni, en accions de melhora des procèssi de transformacion e comercializacion des productes agraris, creacion e desvolopament de microempreses, foment d’activitats toristiques, e conservacion e melhora der auviatge rurau.