Vielha, 18 de deseme de 2018.- Un an mès eth Conselh Generau d’Aran da supòrt enes programes d’espòrt de basa des clubs d’Aran (Pretecnificación), en esquí aupin, snowboard, freeride e freestyle. Es activitats des programes s’amiaràn a tèrme pendent tot er iuèrn.

Esquí Aupin

Era sason passada 34 joenes esportistes integrèren es programes formatius de Pretecnificacion deth CETEI Val d’Aran, que damb un programa esportiu prepausat pes clubs aranesi, apòste pera formacion ena cèrca de naui talents entàs espòrts de nhèu.

Eth Centre de Tecnificacion Esportiua d’Espòrts d’Iuèrn dera Val d’Aran, restacat ara Reau Federacion Espanhòla d’Espòrts d’Iuèrn (RFEDI) e ara Federacion Catalana d’Espòrts d’Iuèrn (FCEH), a per objectiu ajudar ara progression de joenes promeses e velhar pera sua formacion integrau. Es esportistes seleccionadi arreceben formacion tecnica/esportiua e academica, ath delà d’un seguiment medicau/psicologic entà garantir un estat de salut adaptada entara practica esportiua e ua gessuda professionau de futur.

Eth programa de Pretecnificación compde damb era collaboracion der Institut d’Aran, eth Palai de Gèu e es clubs d’Aran que hèn possible aguest projècte.

Eth CETEI compde damb eth supòrt deth Conselh Generau d’Aran, era Deputacion de Lhèida, eth CSD (Consejo Superior de Deportes) e Baqueira Beret.

Freeride

Snowboard

Freestyle