Aguesta setmana s’a celebrat en Conselh Generau d’Aran era prumèra amassada dera Comission de Seguiment deth Centre Especializat de Tecnificacion d’Espòrts d’Iuèrn dera Val d’Aran (CETEI) damb era naua direccion.

Ena Comission i èren presents: eth vicesindic d’Aran e conselhèr d’Espòrts, Luis Carlos Medina, eth director general der Esport dera Generalitat de Catalonha, Gerard Martí Figueras, eth president dera Federació Catalana d’Esports d’Hivern (FCEH), Óscar Cruz, eth vicepresident 1èr e Econòmic dera FCEH, David Samper, eth vicepresident de Nhèu dera FCEH, Joan Puig, eth director deth CETEI dera Val d’Aran, Eduardo Puente, eth sosdirector generau d’Activitats Esportiues e d’Infraestructures deth Consell Català de l’Esport, Josep Oriol Marcé, e eth delegat territoriau d’Espòrts en Lhèida, Joan Segura.

Ena Comission se hèc eth balanç dera tempsada anteriora, se plantejèren diuèrses qüestions sus era residéncia e er Institut d’Aran, e se realizèren es previsions des esportistes, eth futur e era eduacion.