Era 38au edicion se celebrarà es pròplèus 4 e 5 de hereuèr.
Es nheuades des darrèri dies disparen es inscripcions, daurides enquiath 2 de hereuèr en: www.marxaberet.com.
Coma nauetat, enguan se celebrarà era pròva de skating, Sprint Salomon, en Arties.
Era Marxa Beret ei ua des pròves d’esquí nordic mès assolidades que se realizen en territòri nacionau e que cada an compde damb mès de 1.000 participants provenenti de tota Euròpa. Era pròplèu edicion se disputarà es dies 4 e 5 de hereuèr de 2017. Aguesta marcha recupère eth sòn caractèr popular e a era intencion de convertir-se ena hèsta der esquí nòrdic. Per açò, era organizacion compausada peth Conselh Generau d’Aran e pera estacion d’esquí aranesa Baqueira Beret, a prepausat ua sèria d’eveniments paralleles ara Marxa Beret es quaus an coma objectiu que toti es sòns participants e seguidors gaudisquen d’ua agradiua dimenjada ena Val d’Aran.
Era Marxa Beret, qu’enguan arribe ara 38au edicion, data der an 1977. Era edicion deth 2017 ei includida laguens deth calendari FIS (Federacion Internacionau d’Esquí), ei pròva puntuable entath Circuit Popular Cross-Country Races, era Copa Catalana e era Copa d’Espanha d’Esquí Nordic.
Coma nauetat, enguan se celebrarà era pròva de skating, Sprint Salomon, en Arties.
Es inscripcions s’an de realizar per Internet, a trauès dera pagina web dera Marxa Beret, www.marxaberet.com, enquiath 2 de hereuèr. Ath delà, cau soslinhar que toti aqueri que s’inscriuen abans deth 15 de gèr deth 2017 gaudiràn d’ua tarifa mès redusida. Es inscripcions presenciaus seràn ena Casa d’Acuelhuda, ena poblacion de Salardú, eth 4 de hereuèr.
Programa:
Dissabte, 4 de hereuèr
09h30 – Dubertura dera “Casa d’Acuelhuda”
16h00 – Exibicion «Sprint Salomon» en Arties
19h00 – Despartiment de prèmis
19h30 – Presentacion «38au Marxa Beret»
20h30 – Barrament d’inscripcions e dera Casa d’Acuelhuda
Dimenge, 5 de hereuèr
10h00 – Gessuda 38au Marxa Beret
13h30 – Despartiment de prèmis
14h00 – Cerimònia de Clausura
14h30 – Barrament deth circuit
Mès informacion: www.marxaberet.com
Vielha, 13 de gèr de 2017
Conselh Generau d’Aran: Núria Sanjuan
Hònt: Marxa Beret