Es inscripcions se pòden hèr enquiath 28 d’agost en: www.corsa15pobles.org o ben presenciaus (Av. Pas d’Arró, 6) es dies: deth 19 ath 22, e deth 25 ara 28 d’agost, en orari: d’11h00 a 14h00 e de 19h00 a 21h00

Eth dimenge, dia 31 d’agost, era Val d’Aran acuelherà ua naua edicion dera Corsa des 15 pòbles, qu’enguan celèbre era sua XVIII edicion, e damb diuèrses opcions:

– Caminada damb quate opcions de recorregut : 21 km, 15 km e 5 km.

– Carrèra entà adults, eth tot combinar ua maraton, e eth trofèu Roland Giné entà mainatges 5 km. Gessuda d’Es Bòrdes entàs 09h00 entàs recorreguts de 21 e 15 km, e gessuda de Betlan entàs 11h00 entath recorregut de 5 km.

“Era Còrsa des 15 pòbles poténcie eth senderisme ena Val d’Aran, atau coma permet gaudir d’ua rota de trekking combinada damb era visita pes pòbles d’Aran e, a causa dera sua nauta participacion, hè difusion dera Val d’Aran e ath delà collabore ena desestacionalizacion deth torisme. Atau donques, aguesta corsa a passat a formar part deth patrimòni naturau e istòric dera Val d’Aran” a manifestat, Anna Díaz, conselhèra de Torisme, Comèrç e Consum.

En paraules deth president des Volentaris d’Aran, Roberto Boya, “es Volentaris d’Aran consideram qu’aguesta corsa ei fòrça importanta entara Val d’Aran tant a nivèu esportiu coma toristic e patrimoniau” ath delà Boya a soslinhat qu’es inscripcions van a fòrça bon ritme.

Era Corsa l’organizen es Volentaris d’Aran damb eth supòrt deth Conselh Generau d’Aran.

Es inscripcions se pòden hèr enquiath 28 d’agost en www.corsa15pobles.org o ben presenciaus (Av. Pas d?Arró, 6) es dies: deth 19 ath 22, e deth 25 ath 28 d’agost, en orari: d’11h00 a 14h00 e de 19h00 a 21h00.

Mès informacion: www.corsa15pobles.org.