• Aué, tàs 14.10 ores Pompièrs-Emergéncies a recebut diuèrses telefonades alertant dera preséncia de dues persones inconscientes en un domicili de doble nautada ena localitat de Bagergue (Naut Aran). Iniciaument, era equipa de Pompièrs-Emergéncies a desplaçat quate dotacions (ambulacia supòrt vitau auançat, ambulacia supòrt vitau basic, camion de sauvament e veïcul de comandament) damb un totau de 12 efectius.

Ara sua arribada, s’a confirmat qu’en interior dera viuenda se trapauen dues persones en estat inconscient. Per aguest motiu, s’a activat er elicoptèr medicalizat deth SEM entath traslat d’ua persona en estat critic a un espitau de trsau nivèu a causa d’ua simptomatologia d’intoxicacion. Ara segona victima, se li a realizat era evacuacion ar Espitau Val d’Aran. Dempús, as 18.20 ores s’an amiat a tèrme maniòbres de ventilacion der edifici, assisténcia a totes es persones afectades e realizacion des darrères mesures de comprovacion de tota era zòna afectada.