En referéncia as informacions qu’apareishen enes miei de comunicacion en çò que tanh ara detencion d’un agent de miei ambient deth Conselh Generau d’Aran, e era sua presomptiua relacion damb era mòrt der os Cachou, eth Conselh Generau d’Aran manifèste que:

• Eth Conselh Generau d’Aran mòstre eth sòn maxim respècte ath procediment judiciau dubèrt e ara pressumpcion de innocència dera persona implicada.
• Eth Conselh Generau d’Aran a estat des deth prumèr moment eth precursor dera investigacion damb era finalitat d’aclarir era mòrt der os, en tot encomanar ara Universitat Autònoma de Barcelona (UAB) era necròpsia, e metent eth cas en mans deth jutjat e des grops d’investigacion corresponents.
• Eth Conselh Generau d’Aran se remet as nòtes de prensa publicades en abriu e destaque qu’era discreccion que requerís ua investigacion d’aguest tipe e eth secret de sumari obliguen a dar compliment ath procediment judiciau dubèrt.