Aué dijaus, 29 d’agost, tàs 10.30 ores, era sala de contròtle d’Aran a recebut un avís mejançant eth telefòn 112 a on s’informaue d’ua emergéncia a on i auie un menor implicat.

Enquiar endret s’i an desplaçat 5 pompièrs en dus veïculs d’ Emergéncies dera Val d’Aran amassa damb ua equipa deth SEM, 1 mètge e 1 infirmièra der Espitau Val d’Aran e un elicoptèr.

Es Mòssos d’Esquadra s’an desplaçat enquia Arties, a on s’a talhat era circulacion enes dus sens dera cauçada dera C-28.

Eth personau sanitari a determinat que patie ua emorràgia e an constatat qu’entraue en arturada cardiaca, s’a verificat qu’es lesions que presentaue èren incompatibles damb era vida.

Eth Conselh Generau d’Aran e eth còs de Pompièrs d’Aran e era equipa de Aran Salut hèn arribar es sues condolences ara familha e amics.