Vielha, 29 de mai de 2017.- Deuant des afirmacions dites peth Sr. Julian Sanllehy, a trauès d’un vidèo publicat en diuèrsi hilats sociaus, eth Conselh Generau d’Aran manifèste:
Qu’eth procediment dera licitacion entara adjudicacion dera explotacion e gestion deth Refugi de montanha de Saboredo s’a produsit de manèra transparenta e dubèrta a toti e totes qui an volut participar-i, mejançant publica concurréncia.
En tot moment era documentacion deth procès dera licitacion a estat a disposicion dera ciutadania a trauès deth portau de “Govèrn dubèrt e transparencia” deth Conselh Generau d’Aran, mejançant eth perfil deth contractant.
Ei per açò qu’eth Conselh Generau d’Aran non pòt adméter en cap de cas er assag de descrèdit deth procediment d’adjudicacion ne dera maximala institucion aranesa.
Eth Govèrn d’Aran e es sòns servicis tecnics trebalhen damb eth maxim rigor entath país damb estricte compliment dera legalitat vigenta e per aguest motiu remetem ara documentacion dejà publicada pendent eth procediment d’adjudicacion dera explotacion e gestion deth Refugi de montanha de Saboredo, ena quau se pòt constatar era manca de veracitat des afirmacions deth Sr. Sanllehy:
- Plecs Administratius: https://www.conselharan.org/wp-content/uploads/2017/05/Plecs-Saboredo.pdf
- Edicte de licitacion: https://www.conselharan.org/wp-content/uploads/2017/05/04.-Saboredo-Edicte-licitacion-DOGC.pdf
- Decret convocatoria d’expèrts: https://www.conselharan.org/wp-content/uploads/2017/05/Comite-dexperts.pdf
- Acta 4au mesa de contactacion: https://www.conselharan.org/wp-content/uploads/2017/05/4au-mesa-contractacion.pdf
- Informe de valoracion d’ofertes: https://www.conselharan.org/wp-content/uploads/2017/05/24.-Saboredo-Informe-valoració-sobre-C.pdf
