Eth passat dia 8 de seteme eth pastor que susvelhe eth ramat d’oelhes que pèishen ena boca sud deth tunèl de Vielha, ena Val d’Aran, observèc un esbauçament massiu d’oelhes enes malhs boscosi qu’entornegen aguesta val.

D’un ramat d’ues 2.500 oelhes, de dus proprietaris diferenti provenenti dera Ribagorça e Pla de Lhèida, auie un grop d’ues 700 qu’èren separades deth grop principau en ua zona de fòrça ròques, que 156 son es que sofriren er accident.

Pendent era expertesa des damatges, es Agents de Miei ambient deth Conselh Generau d’Aran, s’a localizat nombrosi excrements d’os ena zòna der esbauçament, per çò que s’an tramitat es corresponents expedients indemnizatòris, a fin de completar eth valor que crubaràn es pagesi per part des assegurances.