Vielha 6 de juriòl de 2017.- Eth passat dissabte eth còr deth Centre de Reabilitacion dera Votz de Lhèida, Mollerussa e era Val d’Aran aufric un magnific concèrt ena glèisa de Mijaran de Vielha. En concèrt tanben collaborèc era Escòla de balh e musica Tchaikowsky de Vielha.

Era corau deth Centre de Reabilitacion dera Votz, aufric un repertòri qu’anaue des de “Saeta” de Joan Manuel Serrat, enquia “Que tinguem sort” de Lluis Llach, en tot passar per abanères coma “La Bella Lola” o ” El Volcán”, enquia tèmes coma “Bona nit” des Pets o “Boig per tu” de Sau.

Era corau deth Centre de Reabilitacion dera Votz, tanben aufric un concèrt ena glèisa dera nòsta Senhora de Montgarri eth dimenge.