Conferéncia de Josef Ajram ena Val d’Aran: “Lhèua-te e perseguís es tòns sòns. A on ei eth limit?”

Deman diuendres, dia 12 de deseme, Innòve Aran damb era collaboracion dera Oficina de Joenessa e er IES Aran, aufrirà en Era Audiovisuau de Vielha era conferéncia de Josef Ajram “Lhèua-te e perseguís es tòns sòns. A on ei eth limit?”.

Innòve Aran a tostemp apostat a crear sinergies entre es diferenti actors sociaus e economics dera Val d’Aran. Entad aguesta jornada s’a iniciat collaboracion damb era Oficina de Joenessa e damb er IES Aran eth quau incorporarà laguens deth sòn programa valors coma era auto superacion, era emprenedoria, eca. Ath delà 15 des sòns escolans assistiràn coma convidadi per Innòve Aran ad aguesta jornada.

Josef Ajram Tares, neishec en Barcelona eth 5 d’abriu de 1978, de pair sirià e mair espanhòla. Li agraden pòques causes mès damb intensitat; entre eres, era Borsa, es espòrts e es viatges.

Eth secrèt dera sua fortuna ei auer sabut des de fòrça petit çò que volie hèr e çò que non.

Ena Borsa ei day trader, pur vertigen e adrenalina. En espòrt, s’apunte as pròves mès exigentes des ultra hons -triatlons extrèmes-. Son dus mons aparentaments opausadi enes quaus viu sensacions limits que reclamen constància, dinamisme, disciplina e calcul entà mesurar possibilitats.

Ei obsessiu, quan quauquarren li apassione, se bòlque e sage èster eth melhor.

A on ei eth limit? Se la jògue cada dia, damb ambicions e objectius.

Segons Ajram “cau agotar toti es recorsi de besonh entà hèr realitat es sòns. Eth conformisme ei ua arratèra ena quau non cau quèir. Era mia filosofia non ei guanhar, mès sentir-me ben damb eth mèn rendiment”.