• Era sindica d’Aran, Maria Vergés, aufrirà ua conferéncia dubèrta ath public ena que parlarà sus era importància der autogovèrn en Aran e presentarà es principaus actuacions qu’eth Conselh Generau d’Aran a amiat a tèrme es darrèri 3 ans de legislatura entà melhorar era qualitat de vida des aranesi e araneses

• Era conferéncia aurà lòc diuendres que ven, 20 de mai, entàs 19 ores ena sala Era Audiovisuau de Vielha, es persones qu’i volguen assistir, pòden confirmar era sua assisténcia per email a protocol@aran.org o en telefòn 973 64 18 01

Eth diuendres, 20 de mai, era sindica d’Aran, Maria Vergés, aufrirà era conferéncia “Per qué autogovernar-mos? Aran, un autogovèrn ath servici des persones”, qu’aurà lòc ena Sala Era Audiovisuau de Vielha entàs 19:00 ores.

“Eth principau objectiu d’aguesta conferéncia ei apropar era institucion as persones, hèr-les coneishedores des actuacions qu’eth Conselh Generau d’Aran amie a tèrme, quini son es nòsti projèctes de futur e per qué ei tant important persutar entà obtier un autogovèrn reau a trauès deth desplegament efectiu dera Lei de Regim Especiau d’Aran” explique era sindica d’Aran.

Pendent aguest acte, era sindica amiarà a tèrme un balanç des tres ans de legislatura, en tot presentar es principaus accions desvolopades enquiara en diuèrsi airaus (sanitat, atencion as persones, innovacion, sostenibilitat, promocion economica, etc) e plantejarà es principaus rèptes de futur qu’a d’encarar Aran e coma un autogovèrn efectiu poirà ajudar a melhorar era vida dera ciutadania deth nòste territòri.

Es persones que volguen assistir ar acte pòden confirmar era sua assisténcia en email protocol@aran.org o en tot telefonar ath 973 64 18 01.