Laguens des activitats qu’era Federacion de Comèrç de Lhèida amie a tèrme ena SETMANA DETH COMÈRÇ, aué deluns dia 20 de març, amassa damb eth Conselh Generau d’Aran, s’a realizat en Vielha era conferéncia de “MINDFULNESS coma esturment entara melhora deth rendiment dera actitud”.

Eth mindfulness s’impause cada viatge mès coma un esturment fòrça efectiu entath desvolopament de totes es nòstes capacitats e era melhora dera nòsta qualitat de vida personau e professionau. Aguesta conferéncia aufrís ua vision scientifica d’aguesta disciplina ath madeish temps qu’aufrís esturments e tecniques tà toti entà poder implementar-la ena practica jornalièra e de forma simpla.

Gorka Bartolomé, (master Certified Coach per ICF, director des Mastèrs e Expèrts Universitaris eth Coaching dera UDL, expèrt en intelligència Emocionau e lenguatge non verbau) a estat qui a realizat era conferéncia de Mindfulness.

Vielha, 20 de març de 2017

Conselh Generau d’Aran: Núria Sanjuan